शबरी आदिवासी वित्त व विकास महामंडळाने राज्यातील आदिवासी बांधवांनी तयार केलेले प्रिमियम उत्पादनांचा शबरी नॅचरल्स या नावाने ब्रँड तयार केला आहे. या ब्र्ँडच्या माध्यमातून तयार करण्यात आलेल्या विविध प्रिमियम उत्पादनांची भेट आदिवासी विकास मंत्री डॉ अशोक उईके आणि आदिवासी विकास राज्यमंत्री इंद्रनिल नाईक यांनी मुख्यमंत्री देवेंद्र फडणवीस यांना दिली. यावेळी राज्याच्या मुख्य सचिव सुजाता सौनिक, प्रधान सचिव डॉ विजय वाघमारे, व्यवस्थापकीय संचालक लीना बनसोड, आदिवासी विकास आयुक्त नयना गुंडे आदी उपस्थित होते.

शबरी आदिवासी वित्त व विकास महामंडळ यांच्या दैनंदिनी, कॅलेंडर आणि शुभेच्छापत्र यांचे अनावरण आदिवासी विकास मंत्री मा. प्रा. डॉ. अशोक उईके, आ. राजेश पाडवी, आ. किरण लहामटे, आदिवासी विकास विभागाचे सचिव विजय वाघमारे, आदिवासी विकास आयुक्त नयना गुंडे आणि शबरी आदिवासी वित्त व विकास महामंडळाच्या व्यवस्थापकीय संचालक लीना बनसोड आदी मान्यवरांच्या हस्ते करण्यात आले.